Allt misskilningur hjá Moody's ?

Þegar fyrir lá að Icesave samningurinn yrði settur í þjóðaratkvæðagreiðslu, tók matsfyrirtækið Moody's upp á því að senda frá sér álit um að lánshæfismat Íslands myndi versna ef landsmenn myndu fella Icesave samkomulagið.

 

 

Tímasetningin álitsins er grunsamleg en niðurstaðan undarlegri. Það stenst ekki að ríki sem tekur á sig auknar fjárhagsbyrðar teljist þar með betri lántakandi. 

 

Þegar rýnt er í fréttatilkynningu Reuters um álit Moody's blasir skýringin við: 

Moody's said that if the current bill is rejected, the issue could have to be settled in court. This could take a long time and cost Iceland more than the 50 billion Iceland crowns ($426 million) the government believes to be the maximum tab the Icelandic taxpayer will have to pick up under the current deal.

Sjá: http://uk.reuters.com/article/2011/02/23/iceland-rating-idUKLDE71M1GP20110223

 

Ekki ber á öðru en að Moody's telji að VERSTA mögulega niðurstaða Icesave samningsins fyrir Íslendinga sé aðeins 50 milljarðar króna. Það væri óskandi. Hið rétta er að versta niðurstaða samningsins gæti vel numið hátt í 250 milljörðum. Til þess þyrftu heimtur aðeins að versna um 15% og gengi krónunar að veikjast um 1% á ársfjórðungi.

 

Því miður er ekki er hægt að sjá af fréttini hvaða útkomur Moody's gefur sér verði dómstólaleiðin farin af viðsemjendum.

 

Nú er spurning hvort Ríkisstjórn Íslands hafi séð ástæðu til að leiðrétta þennan alvarlega misskilning hjá Moody's?

Athugasemdir

[JR (IP-tala skráð) 11.3.2011 kl. 20:10]

Ef það hentar ekki í gjörspilltu íslensku fjármálakerfi, þá er það vitlaust !

Að mati, hverra ?

Jú, þeirra sem njóta mest og best í þessu gjörspillta íslenska fjármálakerfi !!!

[Jón Valur Jensson, 11.3.2011 kl. 23:34]

Takk fyrir góða ádrepu, Frosti, og fyrir samstarfið í Samstöðu þjóðar.

En þetta hnaut ég um í pistlinum (leturbr. mín):

"Hið rétta er að versta niðurstaða samningsins gæti vel numið hátt í 250 milljörðum. Til þess þyrftu heimtur aðeins að versna um 15% og gengi krónunar að veikjast um 1% á ársfjórðungi."

En þetta eru ekki verstu mörk þess mögulega, Frosti! Heimturnar gætu versnað um meira en 15%, og gengi krónunnar getur leikandi veikzt um meira en 1% á ársfjórðungi! Þetta sést t.d. af eftirfarandi:

1) Í eignasafninu tíundar Lárus Blöndal að sé Iceland Foods-keðjan, meti á 200 milljarða. En einungis hefur borið 120 milljarða tilboð í hana!

2) Hann telur einnig fram um 310-320 milljarða skuldabréf nýja Landsbankans, skuld hans við þann gamla. En fram er komið, að sá nýi sér fram á að geta ekki borgað a.m.k. umtalsverðan hluta þess (yfir 50 milljarða) vegna skorts á gjaldeyri. Ef það lendir beint á Tryggingasjóðnum að brúa það bil, sér nýjasti Icesave-svikasamingurinn svo um, að sú byrði lendi á skattborgurum hér! En ef ríkið "hleypur undir bagga" með Landsbankanum nýja með því að útvega honum erlent gjaldeyrislán með ríkisábyrgð, þá kemur sá þungi einnig niður á okkur.

3) Gengið hefur nú þegar sigið um 4,5% síðan í desemberbyrjun!

[Jón Valur Jensson, 11.3.2011 kl. 23:36]

En einungis hefur borizt 120 milljarða tilboð ...

[Jón Valur Jensson, 11.3.2011 kl. 23:38]

Þarna var enn meira brengl, nr. 1) á að vera svona:

1) Í eignasafninu tíundar Lárus Blöndal að Iceland Foods-keðjan sé metin á 200 milljarða. En einungis hefur borizt 120 milljarða tilboð í hana!

[Helga Kristjánsdóttir, 12.3.2011 kl. 04:18]

   Fellum þessa ósvífnis fjárkúgun.

[Gunnlaugur Einarsson (IP-tala skráð) 12.3.2011 kl. 09:53]

Í pistilinn vantar áminningu um fyrri "spár" matsfyrirtækja.

[Gunnar Heiðarsson, 12.3.2011 kl. 12:51]

Það sem þú kallar verstu niðurstöðu samningsins, Frosti, 250 miljarðar, er frekar hægt að telja raun niðurstöðu. Þú átt væntanlega við það sem stjórnvöld tala um sem verstu niðurstöðu og byggir þann málflutning sinn á niðurstöðum úr skýrslu frá GAMMA. Reyndar hefur Seðlabankinn verið duglegur við að rægja þá skýrslu. Gamma setti upp nokkur dæmi og dró þau síðan saman í þrjár sviðsmyndir. Munurinn á forsendum milli sviðsmyndar fyrir lægstu greiðslu og þeirrar hæðstu er 4% lækkun á gengi, seinkun fyrstu greiðslu af höfuðstól um sex mánuði og 10% minni endurheimtur eigna. Þessi litla breyting leiddi hins vegar til þess að "skuldin" fór úr 45 miljörðum í 233 miljarða!

Versta niðurstaða samningsins er 50 miljarðar fram til 2016 og 20-30 miljarðar á ári næstu 30 ár þar á eftir. Þetta er það hámark sem er í samningunum. Það er sú tala sem menn eiga að nefna þegar um hámarks greiðslu er talað. Auðvitað er þetta langsótt, en fræðilegur möguleiki. 

Þetta alveg örugglega raunhæfari en sá möguleiki sem fram kom í fréttaskýringu RUV fyrir nokkrum dögum, þegar því var haldið fram að ef fyrsta greiðsla af höfuðstól yrði sex mánuðum fyrr en samningurinn segði til um, yrði vaxtagreiðslur x krónum lægri. Fyrsta greiðsla samkvæmt samningnum er 1. júní á þessu ári, svo það er alveg sama hversu mikill vilji væri til að greiða sex mámuðum fyrr, það er einfaldlega ekki hægt!

[Jón Valur Jensson, 12.3.2011 kl. 14:30]

Og eins og Þór Saari benti á í Silfri Egils sl. sunnudag, 6. marz, er nú þegar orðin þriggja mánaða töf á útgreiðslum, og það virkar mjög til hækkunar. Orðrétt sagði hann (og hefur allt mikla þýðingu fyrir þessa umræðu okkar; ég reyni að hafa hér feitletraðar helztu áherzlur hans):

"En það hefur ekki enn – af því að þú [Egill] talaðir um 26 milljarða áðan – sko, bilið er 26 til 233 milljarðar, og þessi hærri tala hún verður að raunveruleika með ekkert ólíklegum skilyrðum, þ.e.a.s. lítils háttar lækkun á gengi, lítils háttar minni endurheimtum í þrotabúið og níu mánaða töf á útgreiðslum, og það er þegar komið í ljós, að útgreiðslur munu tefjast um þrjá mánuði. Þar koma vextirnir inn í með alveg gríðarlega miklum þunga. Og þetta allt saman á einfaldlega eftir að kynna fyrir fólki, og það virðist ekki vera ætlunin að gera það. Það er það hættulega í þessu, að þetta er ekki kynnt fyrir fólki."

[Gunnar Heiðarsson, 12.3.2011 kl. 17:04]

Þetta var ekki alveg rétt hjá mér, GAMMA dró sínar niðurstöður í fjórar sviðsmyndir. Hér er hún (tekið úr skýrslu þeirra):

Sviðsmynd 4:

- Gert er ráð fyrir 2% veikingu krónunnar á ársfjórðungi út líftímann ásamt því að fyrsta greiðsla úr

þrotabúi berist ekki fyrr en 1. jan. 2012 ásamt því að innheimtur úr þrotabúi lækki um 10% frá

áætlun skilanefndar. Niðurstaða er hærri mörk heildarkostnaðar 233ma.

[Júlíus Björnsson, 14.3.2011 kl. 14:17]

 Moody's hefur engu að tapa á þessu mati, ríkissjóði lánar enginn í augnablikinu óháð hvort skilanefndir Landsbankans borgi Icesave.  Fyrirtæki í útflutningi sem hafa gjaldleyristekjur, fá lánað út á eigin efnhagsreikninga.

Mat Moody's byggjist líka á Ríkstjórn Íslands: what the government believes.

I reckon that is an exact valuation.