Hvað kostar umsóknarferlið?

Við erum blönk og í tímahraki, þá telur Jóhanna það mikilvægasta verkefni sitt að setja hundrað sérfræðinga og mörg hundruð milljónir í umsókn til að "gá hvað er í boði".

Við vitum hvað er í boði. Það stendur í Lissabon samningnum.

Væri ekki ráð að spyrja þjóðina fyrst að því hvort hún vill ganga í ESB og þá með hvaða skilyrðum?

Eigum við ekki að spyrja þjóðina hvort hún vill eyða 800 milljónum í umsókn núna?

„Þjóðin viti hvað er í boði“

Athugasemdir

[Haraldur Hansson, 19.5.2009 kl. 14:44]

Nei, við skulum ekki spyrja þjóðina. Ekki láta lýðræðið vera að þvælast fyrir okkur. Það er fín æfing fyrir veruna í Evrópusambandinu að sniðganga lýðræðið eins og kostur er. Og alls ekki viðhafa fagleg vinnubrögð, góðan undirbúning eða vandaða stjórnsýsluhætti.

[Tómas Ibsen Halldórsson, 19.5.2009 kl. 16:59]

Ef vel ætti að vera hefði þurft að þýða Lissabonsáttmálann á íslensku, prenta í nógu mörgum eintökum og dreifa á hvert heimili í landinu.  Síðan hefði þjóðin þurft sinn tíma til að lesa og stúdera samninginn, ræða síðan innihaldið og að lokum taka upplýsta ákvörðun hvort sækja ætti um aðild.

[Kristinn Þorleifsson (IP-tala skráð) 19.5.2009 kl. 17:39]

Þeir sem segja að það þurfi að sækja um til að "sjá hvað er í boði" eru annað hvort að tala af fullkominni vanþekkingu um ESB mál eða eru að reyna að blekkja þjóðina til að ganga til aðildarviðræðna. 

Það eru ótrúlega margir sem hafa látið telja sér trú um að til þess að þeir geti fengið botn í og skilið ESB mál og hvað innganga Íslands myndi þýða þurfi umsókn, viðræður og samning. Þetta er rangt. Lang flestum spurningum um ESB er hægt að fá svarað með því að kynna sér málin. 

Til þess að "sjá hvað er í boði" nægir að lesa Lissabonsáttmálann. ESB mun einungis ganga til viðræðna við Ísland á grunni Lissabonsáttmálans, rétt eins og það gerði það að skilyrði að Maastricht sáttmálinn yrði grunnur að samningum þess við Noreg á sínum tíma. 

Renndi yfir blogginn hans Bjarna Harðarssonar og þessi setning fékk hárin til að rísa á hnakkanum: 

"Hvaða hætta er fólgin í að senda Össur með fullveldi þjóðarinnar til Brussel?"

 Segir allt sem segja þarf. Scary stuff, ekki satt?

[Páll Blöndal, 20.5.2009 kl. 00:36]

Þið vitið að það kostar að spyrja þjóðina líka?

Samskipti og samvinna við aðrar þjóðir kostar,
hefur alltaf og mun alltaf gera það.

Í svona mikilvægu máli eins og ESB aðild er, þá eru þetta ekki boðleg rök.
Hvort sem við erum með eða á móti.
Frekar billeg smjörklípa að mínu mati.